Psalms 26

Maombi Ya Mtu Mwema

(Zaburi Ya Daudi)

1 ^aEe Bwana, nithibitishe katika haki,
maana nimeishi maisha yasiyo na lawama;
nimemtumainia Bwana
bila kusitasita.

2 ^bEe Bwana, unijaribu, unipime,
uuchunguze moyo wangu
na mawazo yangu;

3 ^ckwa maana upendo wako
uko mbele yangu daima,
nami natembea siku zote
katika kweli yako.

4 ^{d e}Siketi pamoja na watu wadanganyifu,
wala siandamani na wanafiki,

5 ^fninachukia kusanyiko la watenda mabaya
na ninakataa kuketi pamoja na waovu.

6 ^gNinanawa mikono yangu kwa kuwa sina hatia,
naikaribia madhabahu yako, Ee Bwana,

7 ^hnikitangaza sifa yako kwa sauti kubwa,
huku nikisimulia matendo yako ya ajabu.

8 ⁱEe Bwana, naipenda nyumba yako mahali unakoishi,
mahali ambapo utukufu wako hukaa.

9 ^jUsiiondoe nafsi yangu pamoja na watenda dhambi,
wala uhai wangu pamoja na wamwagao damu,

10 ^kambao mikononi mwao kuna mipango miovu,
ambao mikono yao ya kuume imejaa rushwa.

11 ^lBali mimi ninaishi maisha yasiyo na lawama;
nikomboe na unihurumie.

12 ^mMiguu yangu imesimama katika uwanja tambarare;
katika kusanyiko kuu nitamsifu Bwana.